Zhvillimet në Ukrainë janë duke ndikuar në dinamikën e negociatave ndërmjet Kosovës dhe Serbisë, të lehtësuara nga Bashkimi Evropian.

Kështu vlerëson njohësi i rrethanave të sigurisë në vend, Drizan Shala, dhe mos vazhdimi i dialogut dhe nis përfundimi i tij e le të mundshëm interferimin e shërbimeve ruse duke shfrytëzuar Serbinë.

“Nëse merret për bazë fakti që kemi një destabilizim në aspektin politik në Bosnje me Republikën Serbe , në Mal të Zi me një qeveri të pakicës dhe shtimit të presionit të subjekteve pro Serbe/Ruse, një Maqedoni e Veriut e cila ka një pengese të quajtur Bullgari në rrugëtimin e saj drejt BE-së, dhe në fund procesi ende i pa përfunduar i raporteve shtet me shtet të Kosovës me Serbinë,  lë hapësirë që propabiliteti të jetë i lartë, i aktiviteteve të shërbimeve informative të Rusisë në hapësirën e Ballkanit duke shfrytëzuar infrastrukturën e shërbimit serb”, thotë Shala për arbresh.info.

Shala tutje shton se gjendja në Ukrainë, po ndikon edhe në dialogun Kosovë-Serbi.

Madje sipas tij ndikimi rus, po shihet edhe në anëtarësimin e Ballkanit në Bashkimin Evropian.

“Strukturat e sigurisë së Rusisë janë tejet prezent, ku me një këmbë është në pengimin e anëtarësimit të vendeve të Ballkanit në BE dhe zgjerimit të NATO-s në vendet e Ballkanit, si dhe të bej presion ndërkombëtar për interesat e saja në pjesën e Detit të Zi. Institucionet e Kosovës, ato politike kanë ngritur shqetësimin e tyre në arenën ndërkombëtare sa i përket interferimit të krizës së Ukrainës në nivelin e sigurisë në nivel rajonit me theks të veçantë të Kosovës në procesin e dialogut”, shprehet Shala.

Përfaqësuesit e nivelit të lartë të dialogut të përfaqësuar nga të gjitha palët ka kohë që nuk kanë zhvilluar ndonjë takim, sikur që nuk dihet ndonjë datë e takimit në të ardhmen./V.S/arbresh.info/